السلآم عليكم ورحمة الله وبركآتهـ



1. اللي يسجل قصيده في مناديله
من زود حرصه مهو رخص لكتاباته




2. هذاك برسل سلامي قبل لبديله
أغرب حكايه سمعنا من حكاياته



3. واسوق فكر القصيد اليه وهديله
مدات ماهيب والله زي مداته




4. طبعي كذا لاخطى الصاحب أعديله
مادام ماهيب من طبعه وعاداته




5. اقوم في واجبه وجهد بجهديله
وانسا خلافي معه وسعى لمرضاته




6. وابين الدرب وشعل له قناديله
من قبل لا يكثر الماخوذ..غلطاته




7. وامد كف الرضا والصبر عندي له
حبل بداياته أتغيب نهاياته