السلام عليكم ورحمة الله وبركاته وفالكم شقه على النيل

كبرنا ووصلنا الان عمر الزواج ولا تزوجنآ ماعليه الظروف طوعناها قبل سنه للبدء في الاحتفال والاختيار قبل كل شيء

لكن ياتلحق ولا ترى لحقتك السنين .. ارتفع النفط ... ارتفعت الاسعار في الغذاء ... لكن العقار
يصل الى انك ماتلقى شقه الا فوق 20 الف ريال سنويا ً وتقول شقة فيران هذا الي مانبيه .

الوالده تقول بنت فلان وانا اقول وش حليلهآ والوالد يقول ولايهمك وان اقول يطولي بعمرك

لكن بعدين ... يعني دفعت المهر ولقيت لك في بيت اهلك ( شقه ) لكن بيتك انت وينه ؟

شقتك واستقلاليتك وينهآ ... مافي امل انك تلاقي شقه ... خصوصاً اذا شفت الرأفه بنظرة امك وابوك وانهم مستعدين يسوون كل شيء لك .

لكن وين الرأفه ياوطن ... وين الرقابه عن تجار لعنو ابو جدنا ... قالو كيلوطماطم قلنا ماعليه
قالو الرز قال الوزير مولازم تاكلون رز ..قلنا بناكل تبن بشرط تاكله معنا .. والان الايجارات .

مدينة الجبيل الصناعيه ( اطلق شقه 18 الف ريال اطلق شقه ) الان اقذر شقه 24 الف ريال

مدينة الدمام ( شقة فيران بالدور الثالث 20 الف ريال ) قبل سنه كانت هذي الشقه قبل سنه بس
12 الف ريال .

يعني جشع مو طبيعي واستغلال ... ولا فيه هيئة رقابه ولا فيه دائره حكوميه تشوف هالي حاصل

قلنا جشع تجار بالمواد الغذائيه قالوا لا البواخر والاستيراد زاد .

( طيب عماره ما استوردت موجوده من 10 سنوات كانت الشقق فيها ماتتجاوز14 الان فوق 22
)

هل العماره هذي جايه عن طريق الاستيراد والبواخر ..

ولا تو راعيها بانيها ( بسعر الحديد الجديد )

بالله يالربع فهموني ( وش موقع هالعماره من الاعراب الي من 10 سنين وفجأه شقتها اصبحت سويت ديلوكس تمليك بالنيل )

ما اقول الا حسبي الله ونعم الوكيل .

وزير التجاره وهيئة الرقابه حسبي الله عليكم

ب/وزير التجاره < ماودك تقول لا تسكنون بالشقق وشوفوا لكم عشه ؟