كان لي دنيا بحبه
كان لي جنه بقلبه
كان لي عطف بقربه
بس هو ما خاف ربه
***
من هنا تبدأ الحكاية
وهي بداية للنهاية
نهاية سنينه معايه
نهاية الغيم فسمايه
نهاية البسمه فشفايه
***
يا حروفي هوني همي عليه
يا قصيدي شيل عني لو شويه
كيف أبنسى بسمته أول لقانا
كيف أبنسى كلمته "أحبك انا"
***
التقينا وكان فيني من الخجل شي كثير
التقينا وكان في عيونه حبيبي شي مثير
قال لي كيفك عيوني يا عساك بألف خير
وانا يدي من الخجل تلعب في فستاني الحرير
قلت انا.. قال ايه انتي يا عسى في الامر خير
وراح يحكي لي حياته كيف عاش وهو فقير
وكيف حارب كل ظروفه وامتلك قصر كبير
وان حبه لي مقدر من زمان وهو صغير
***
كان يسحرني جماله
وكان يعجبني دلاله
وللأسف ما كنت أعرف
يبغى يشريني بماله
***
من القهر صديت عنه
خاب ظني وخاب ظنه
مرت شهور وليالي
وانا ما اعرف شي عنه
***
وفي صباح كان وصفه باختصار انه جميل
شمس حلوه مشرقه و ورود وجو عليل
وصوت تغريد البلابل وللحمام أحلى هديل
كان جرحي ملتئم باقي من أطرافه قليل
جتني باقة ورد حمرا مع رسالة.. مستحيل
اسمه مكتوب عليها زاد نبضي زاد حيل
كنت افكر وش اسوي اجلس اقراها بليل
والا ارميها واجرب القى لهمومي بديل
كان فيني احساس غامض فجأة ضيعت الدليل
وانطلقت اقرا الرسالة بعد تفكير طويل
***



" انا اسف يا حبيبه
غلطتي كانت غريبه
وكانت افعالي مريبه
طول الايام اللي فاتت
وانت لعيوني قريبه

كنت أفكر فيك ليلي مع نهاري
كنت أفكر كيف أقدم اعتذاري
صدقيني انك انتي نبض قلبي
صدقيني ان حبك اختياري

يا رسول الشوق بلغها المشاعر
قلبي واحساسي معاها ودمعي حاير
استبد الحزن فيني من بعدها
وصار فكري ينبع بنبع الخواطر

اكتب حروفي بدمي من الأسف
والقلم ضلعي وأوراقي الجفون
بعد غيبتك الطويلة بدر ليلي هو خسف
وصرت هايم في غرامك شوي واوصل للجنون

يا حبيبه مالي غيرك في الوجود
اغفري لي غلطتي لمثلها والله ماعود
أنا صحرا عاطشه وانتي لي مزن ورعود
أمطري فيني المحبه وازرعي قلبي و ورود

صدقيني يا حبيبه إني أبغى مرجعك
صدقيني يا حبيبه إن حبي هو معك
صدقيني يا حبيبه إن قلبي مرتعك
صدقيني يا حبيبه إني مقدر أخدعك
وصدقيني يا حبيبه إن حبك لي ملك
مطمعي حبك وأنا ادري إن حبي مطمعك
امسحي دمعي بيدك وأنا بمسح مدمعك
انثريني واجمعيني وأنا برضه بجمعك
اطلبي عيوني تريني رهن إشارة أصبعك
اسمعيني أنا احبك يا الله قوليها اسمعك
أبغى أقضّي ما بقى لي من العمر كله معك

أنا مخطي في غرامك حاكميني واعدلي
أنا مذنب في شروع الحب تائب للولي
ولو ترين إن مالي توبه فاحكمي بالموت لي
بس يكفيني رضا الله ثم رضاك أنتي علي

يا حبيبه هالرساله فيها حب لك كبير
وفيها أعذار كثيرة والأسف فيها كثير
وكل شي فيها يشكل جزء من همي الغزير
باترك الأقدار بيدك وأنتي اتخذي المصير "


***
رق قلبي وانهمر دمعي معاه
وصرت أردد " أنا أحبك.. أنا أحبك " عالشفاه
ما مدا عقلي يفكر حتى قلبي ما مداه
ارتجف حبه بجسمي وشع من قلبي ضياه
وعدت أقرا هالرساله بكل دقه وانتباه
أثر باقي له بقلبي نبض باقي له حياه
***
ومر أطول يوم لأني انتظر لقيا الحبيب
اتصلت عليه وواعدته يقابلني قريب
قال لي باكر تعالي مكاننا وقت المغيب
وما عرفت أنام ليلي مابي هم ولابي ريب
بس بي لهفة حبيب ينتظر موعد حبيب
***
كان واقف فوق صخره ترتطم الامواج بيها
شافني وبادلني نظرة كان كل الشوق فيها
وابتسم يا محلى ثغره ابتسامه أنا أبيها
ضمني بشوق وحسرة والندم طاغي عليها
وصرنا عرسان بقصره وأمه تأشر بيديها
قاطعت حلمي بنبره: "ساعتك خمسه وعليها؟"
***
صحيت من نومي ومن فرحة وهم
صحيت وأفكاري تصور لي الحلم
وفي انتظاري موعد.. موعد ألم
كاتبه رب البرايا.. العالم بكل الخفايا.. وانا قلبي ما علم
كنت أظن هذي البدايه
صفحه جديده معايه
نبني حب منهدم
***
التقينا واهتنينا.. وقال لي: انتي الأميرة..
وأنا أعطيته فؤادي.. له لحاله دون غيره..
ومرت أحلى أيام لكن.. كانت لفترة قصيرة..
وبعدها شفت الصدود وشفت أشياء(ن) كثيره..
ما سألته عن سببها.. خفت في لحظه أثيره..
وخفت لا أجرح شعوره.. باتهاماتي الخطيره..
قلت بعض الظن إثم.. ومشكلة تصبح كبيره..
وانتهت فيني ش****.. وصرت أحبه بدون حيره..
***
وبعدها زاد الصدود.. وقل حبه والوداد..
وصار يهجرني ليالي.. وانا ما اذوق الرقاد..
وأسأله لا من لقيته.. ليه طولت البعاد..
وش حكاية ذا الصدود؟.. وش حكاية ذا العناد؟..
وين مجنونك يا ليلى؟.. وين أحبك يا سعاد؟..
قل حبك لي وشوقك.. والهجر ذا الوقت زاد..
قول لي وش هو خطايه.. صارت أيامي سواد..
كل مرة ما يجاوب.. وأنا أحسه في ابتعاد..
***
والنهاية باختصار.. صار همي لي حصار..
واختفى الفارس حبيبي.. ما بقى إلا الغبار..
خان كل اللي عطيته.. لاذ مني بالفرار..
حطم أحلامي البريئة.. طائر الآمال طار..
مات حبي..مات شوقي.. حل في كوني الدمار..
كل شي عندي تحطم وانكسر قلبي انكسار..
***
مستحيل إن الرسالة.. من كلامه ذا الكذوب..
مستحيل أحلى المشاعر.. نبعها غدر القلوب..
مستحيل الطهر فيها.. يظهر بشمس الغروب..
والكلام العذب فيها.. خالي من كل العيوب..
ما يقوله شخص خاين.. لو لبس للحب ثوب..
ما يقوله غير واحد.. وافي وشعره طروب..
ما يقوله غير شاعر.. هبت رياحه هبوب..
هبت بحبه وشوقه.. وأنورت كل الدروب..
لكن الخاين سرقها.. مقصده يخفي الذنوب..
المنافق ما يُوفـَّـق.. في الوحل ثلجه يذوب..
الله يصبر فؤادي.. ولا يوفق ذا الكذوب..

***
شفتوا قلوب الرجال.. قاسيه في كل حال
والقناعه عندهم.. فانيه... لا بل محال
فيهم الصادق بوعده.. هذا بين الألف وحده
وفيهم الحساس..
وفيهم الشاعر..
وفيهم الوافي..
بس أكثرهم يخون.. وكل شي عنده يهون
حتى حبه هو يهون..
يبدله.. ويبدله.. مليون
والضحيه حبنا
الضحيه هي أنا قلب قلبي


مـــــنــــــــقوول

تحيـااااااتي

عبير الورد

احلى حكــــــــــــــــــــــــايه
لفتت انتباهي بجد
لا اعرف كيف اصف لك روووعه ما كتبتيه غاليتي
كل حرف منثوور له اعذوبه راقيه
تسلسل في العبارات جنون الحب عفويه ذكاء
كل انواع التميز هنا
بارك الله فيك غاليه
كوني دوماً ترينه مايحمله قلبك وينثره خط قلمك وأناملك الذهبيه


تحياتي لك

ريم

تسلمين ياقلبي على تواجدك منووره الموضوع

يعطيك العاافيه

تحيااتي

عبير الورد

روووووووووووعه

عبووووره

تسلمين خيتوو ..!