سلاااااااااااام

اخبااااااركم ان شاء الله تمام وعال العال؟

اليوم ياجماعة الخير كاتب لكم موضوع سريع سريع واتمنى انه يعجبكم.

باااااااختصار احتمال الموضوع مارثوني يعني تجهزوا لفصل الاتصال واحضار كوب

الكابتشينو بطعم الفراوله واقروا الموضوع بكل رواقه واريحيه

تعالووا نشوووووووف وش صااااار

يالله تفضلوووووووووو

بسم الله نبداء
قبل ما نبدا : احب اعتذر من الاخت اي شي لاني اشركتها بالموضوع بدون ما تدري وها القصه بصراحه من باب التخريف والخيال يعني ماله داعي الزعل


اي شي بطلة الفلم هع هع هع

في احد ايام الخريف حيث السكون والهدوء والطمئنينه يلف حارتنا و صفاء السماء ولذعات نسيم

الهبايب تدغدغ بكل رقه شوارعها الجميله منتب سهل .حيث تتمايل الملابس على حبال الغسيل

في البلكونات يمنةَ ويسرة مع نغمات وتغريد العصافير على اسلاك الكهرب واسراب الحمام في هذا

الجو البديع تموج وتدوج فتجتمع تارة وتفترق تارة في السماء وكأنك تكش ذبان من فوق صحن

قدوع ( تمر). وكأن حارتنا كقريه صغير هادئه احتضنتها جبال الألب الفرنسية.حيث كنت متكى فوق

الحنفية افضفض اسراري وهمومي لديكي الجميل مسحل <<<( اسم الديك) وساعات ادلعه

بالعندليب لعذوبه صوته ورقه الحانه حيث يصدح بصوته الجميل ويكاكي فوق ماصورة حنفيتنا .

وكان مسحل هادي الطباع لطيف المعشر. يعني ماهوب ديك سرسري و صايع يدوج من عشه في

عشه ولا يعرف يتميلح قدام دجاج الحارة . من العشة الي الحنفية بس (يروح يذن ويرجع للعشة)<<

ديك برئ ومؤدب يااااا عيني عليه. وقد قطنوا بجنبنا جيران جدد وعندهم بنت اذيه وعليها قل صح

( الله المستعان ) واسمها اي شي وكانت ها الخبله ( بدون زعل يمكن مزحي ثقيل بس تحملوني

شوي )
فوق السطوح تربي عباد الشمس في كراتين موز . وزارعه ريش النعام في قواطي نيدو على باله

بينبت<< (قايلن لكم عليها قل صح الله لا يبلانا بس) وكان عندها قطو حجمه كبير يكسوه الشعر

الكثيف المسبسب ولونه ابيض وعيونه زرق ألماني المنشاء والولادة. وبرقبته جرس صغير <<<( من

زود الرفاهيه) بس مدلع ومرفه ونظيف مو مثل بسوس حارتنا احلى واحد فيهم مقطوع ذيله ومنتف

وظهرة مسلوخ من سيور مكاين السيارات من كثر ما يرقد تحت الريديتر. ويجي يوم واسمع خرفشه

وحوسه في العشه واطلع بسرعه وافتح العشه الا انت يا بس اي شي ( الألماني ) حاشر ديكي

مسحل في زاويه يريد ان يلتهمه كوجبه كنتاكي. وتقفل معي اتش والله واستلم ها البس

تشويت ورفس بالعشه لين فقد الوعي وامسك مكينه الحلاقه واحلق شعرة على الصفر لين صار صعو

مو بس. لونه بيج واشوته بوووووز لسطح اي شي . وتجيك انتى يا اي شي وتشوف بسها

وحالته المزرية والمشمئزة. وتناظرني ومكينه الحلاقه بيدى وانا قاعد اضحك عليها هي وبسها

الصعو. وتقول هين ان ما وريتك الشغل انت وديكك. قلت لها اقول بدال ها الهذرة روح ازرعي ريش

نعام بظهر بستس بدل ماتزرعينه بقواطي النيدوا ولا قصي من شوشتس ولزقي على ضهره واضحك

عليه. وانزل بعد ما قفلت العشه وتاكدت ان مسحل بخير. اليوم الثاني حزة قيلوله كنت ابي اطلع

للعشة اكت حب لمسحل ومثل العادة ابث له همومي وشكواي حتى يطربني بصوته الرقوق . دق

جرس بابنا وافتح الباب الا ذا سواق اي شي جاين ومعه قدر وقال ذا من ماما اي شي حق مال

انتا قداء. قلت غريبة اي شي ترسل لي غدا وافتح القدر الا ذيك الدجاج المحمرة وها الرز البرياني

. قلت بنفسي احرجتني ها البنت والله ان فيها الخير ومرت لحظات ندم على اللي سويته في بسها

وصار الظمير الحي يأنبني والضمير الميت يشجعني وتهاوشن الظمائر لين فك بينهم الضمير المستتر

<<< (صراع مع نفسي مرير). قلت للظمائر خلاص اصيد بس من بسوس الحارة وارشه بويه بيضاء

واهديه لـ اي شي واتأسف واقول ذا البس من فرنسا هديه لتس مخصوص.

المهم طبيت بالاكل يومن شبعت وقاعد امزمز بعظام فخوذ الدجاجة الا مكتوب باسفل القدر.

بالهناء والعافيه اللي في بطنك ديكك الغرنوق مسحل وتحت مكتوب قراسيسيووووو يا اخ العرب

. وتثور شياطيني. واطلع بسرعه للسطح والقى باب العشه مكسور ومسحل مختفي وبقايا بعض

ريش مسحل بالعشة. واتذكر مسحل وايامه بالعشة ويمر شريط الذكريات في مخيلتي يومن كان

يكاكي فوق الحنفيه. ولا قدرت اتحمل اشوف مسحل يقبع في بطني . وتحوم تسبدى واطرش

الاكل . واشوف اي شي بسطوحهم معها مقص حق قص الحدايق واثار دم وريش عليها و تضحك

ومبسوطه وتقهقه وتقلد صوت الديك مسحل كوكو كوكو كوكوووو وفاقه خشتها مستانسه :

( الشينه ):. واستشيط غضباً ولا شعوريأ مسكت الغظارة اللي اكت فيها الحب لمسحل واحلته بكل ما

اوتيت من قوة على اي شي وبحركه لا ايرادية دنقت الخبلة وتبنط الغظارة في باب سطحهم وهي

تطلق كراعينها للريح و تنحاش مع باب سطحهم. قلت هين اوريتس انتى وكراعينتس وانزل بسرعه

واجيب السنارة واربط بطرف الخيط قوطي تونه اصفر واتربص لقطو اي شي اربع ايام بلياليها لين

صدته واكفشه والبسه بدله برتقاليه واشنقه بمروحة ملحقنا واشغل المروحة على رقم واحد

واقفل باب الملحق وابداء بالتخطيط لشن هجوم معاكس وارد الصاع صاعين . و شنق البس ما يكفينى

للثأر بدم مسحل.وانا قاعد اخطط كيف اطفش اي شي وكيف اخليهم ينقلون من الحارة. وانا في

خظم التفكير والتدبير سمعت صوت شلاش الأبكم يدق عود ويغني تحت كنديشه ملحقنا . قلت جيت

بوقتك ياشلاش.

----------------------------



نبذة مختصر عن شلاش الأبكم:

(يعتبر شلاش الأبكم اقدم عزوبي في حارتنا وهو انسان موهوب له فوق ثلاثين سنه يدق عود ومثله

الاعلى في الفن فريد الاطرش ولا يعرف غير اغنية وحدة بس اغنية سميرة التوفيق ( لا باكل ولا

بشرب) وياليت ينطقها زين بعد ومن زود حبه للفن دايم العود معه وين ماراح حتى اذكر ان

المستشفى العسكري بالرياض حاط لوحه ممنوع الازعاج ورسمه بوري سيكل وتحتها صورة شلاش

وهو ماسك العود. وكان شلاش يفرش زوليته على رصيف طريق المطار القديم

ويبدا بالازعاج ( مواويل) لين دعسته سيارة بالغلط و مرة غنى بعرس وطاحوا الجهور فيه دبج

وترجيم بقواطي الببس وبراريد الشاهي والمعرس تمردس في بطن راعي القصر و طلق العروسه ذيك

الليله).

وقد اصدر شلاش الأبكم لغلاف بومه الغنائي الاول والبوم كله مابه غير اغنيه وحدة وياليته نطق

كلماتها زين المشكله انها كلمات الشاعر المبعثر حمد المسطرة

( امحق شاعر وامحق فنان) الوكاد الشريط ما مشي بالاسواق وقمنا وحطينا ها الصورة دعايه

لجراك شيشه باعشن وغراء الفيران كود نعوض الخسارة..

الوكاد طمرت واجيب شلاش وادخله المقلط هو وعودة. وهو ما يدري وش الطبخة . والله واطلع صورة

نانسي عجرم واوريها شلاش ومير يمسك العود بعد ماتقاطرت سعابيله على الصورة ويرقع بذاك

الموااااال <<<( لويزاته بغت تناقز من قوة الصوووووووت)

يادودون ليدلي بابا عوق مدمدريض تون....فديدو ياياديدني دونتا شل شل لاش مدمد ددو ديا

الترجمة:

يقولون ليلى بالعراق مريضتن ..فقلت ياليتني كنت شلاش المداويا
............

ويم خش في البيت الثاني وهو متحمس وتجيه الطوفريه ماشيه مليون وتبنط بدميجته

<<< هو اللي حذف الطوفريه

قلت ياشلاش اسمع وانا خوك بعد ماقدمت له كاس جبن سائل مملوئه بالفمتو: خلنا بالمهم ترا الصورة

ذي لوحدتن اسمها اي شي وهي ساكنه بجنبنا والبنت تموت فيك وتسهرالليالي من غرامك وكل

اضحوي تشرق ملابسهم في البلكونه وتنتظر مرورك: وانت تغني . وشلاش الأبكم فاق ثمه ويحتسي

شراب الفمتو.وانا اواصل بالحديث : وانت رجال وسيم ماتزوجت وحرام يروح زينك هدر وهي تبي

الزواج ويايخت من جمع راسين بجدار. والبنت مايهمها الشكل اهم شي الجوهر <<< اروح مثل ديكنا

مسحل ان كان فهم شي شلاش؟

الوكاد شلاش اقتنع و ماصدق خبر ان بنت توافق عليه ومواصفاتها مواصفات نانسي عجرم. واروح

اطق له ثوب صيني اخضر وبالطو شتوي لون زيتي مثل حقت المجاهدين وغترة عنابي قالبه لونها

برتقالي من كثر غسيلها بالكولوريكس.وامسك قطو اي شي واحطه في كرتون واغلفه مثل تغليف

الهدايا) واعطيه شلاش قلت هذا شبكة اي شي وانا متكفل بالعرس بس انت رح لهم واطلب

يدها وعطها ها الكرتون وخذ العود معك واعزف لهم قبل الخطبه . ومير يطمر انت ياشلاش ويسلم

على راسي وهو يمسك العود بيقول موال . واطمر عليه وامسكه : قلت مو وقت مواويل يرحم والدينك

ذلحين. خلها بليلة عرسك تسمعنا الطرب السلطاني وتصدح بصوتك العذب.<< (ابي الفكه منه ومن

مواويله) ويجيك مدرعم شلاش لبيت الخطيبه ومعه العود. ::

وانقز وارقى سطحنا وادربل بالدربيل على شلاش وهو يدق جرس باب الخطيبة والعود بيد والكرتون

اللي فيه القطو الميت بيد. وشوي يدخل انت ياشلاش بعد مافتحوا له الباب وما مرت دقيه الا ذا صوت

شلاش وعودة واصلن للشارع العام يشدو بموال. ولا يمديه يكمل الموال الاصوت تكسير القزاز وصقع

البيبان وصياح شلاش وماهي الا برهتن من الوقت الا ذا شلاش طالع والعود مكسر فوق راسه.

والدقله مشققه ووجه شلاش مشخبطينه بسكاكين الخظرةهانق). وشوي الاذا صياح اي شي وصوت

حذف المواعين والقدور في بيتهم . الا ذي اي شي طالعه :للسطح ومسكرة باب السطح عليها هربا

من الدبج والتلميخ وشوشتها منفوشه واثار ظربه بياله شاهي والدليل انه مكتوب بادريق على

جبهتها. وبيدها الكرتون المغلف وبيدها الثانيه ساطور وتمسك الكرتون وتشقه بالساطور وهي

تطلع القطو الميت وانا اشوف المنظر واضحك عليها وتخزني بذيك النظرة وانا اضحك ومن زود

الوناسه بعد قاعد اقلد صوت البس مياااااااو ميااااااااااااو : ميوميو.وتناظرني ذيك النظرة يالربع من

جد حسيت انها نظرة انتقام . وتجيك ماغطة والساطور بيدها وتطمر الجدار اللي بين سطحنا

وسطحهم.<< ( من طول كراعينها) ويومن شفت الوضع ما يخارج وياروح ما بعدك روح واطمر ابي

ازبن باب سطحنا وهي تسبقني وترفع الساطور وتهوى على راسي وبحركه خنفشااريه تفاديت

ظربه الساطور وتشطف نص شعر حاجبي الايمن. والف عليها لفة بروسلي يومن حشروة افراد

العصابه واعطيها ركبه على بطنها. واردفها بظربه كوع : على ضهرها وتبنط خشتها في بلاط

السطح ويطيح من فهما ظرسين واحط رجلي وادخل واسكر باب سطحنا. وهي تقوم ترجف باب

سطحنا رجف بكراعينها. وانزل بسرعه اجيب الشوزن من السيارة ويومن فتحت الباب الا ذا شلاش

بوجهي ماصدق انه يشوفني واصفق الباب بخشته.ولا ادري وين اروح ووش الدبرة تورطت بين

شلاش الأبكم واي شي ان طلعت برا شلاش ينتظرني على احر من الجمروشلاش ذا ضحكت عليه وقلت

ان البنت تحبك وتبيك تتزوجها .واستخدمته لتوصيل قطو اي شي الميت . وفوق ذا اندبج وبغى

يفطس واللي مخرب ام الدعوة العود مكسرينه فوق راسه

عاد الدبج والقطو كووم وتكسيرة العود كووووووم وربي لو يشرحوني قدامه ما يشفي غليله

بتكسيرة العود. وان طلعت للسطح اي شي بترحب فينى خير ترحيب لا ومعها الساطور بعد

واي شي شانق بسها ابو عيون زرق ودزيت شلاش يخطبها ولا تقدر ترجع لبيتها ان رجعت دبجوها

اهلها شر دبجه واللي زاد الطين بلة اني مكسر ظرسين من ظروسها يعني لو يقدموني مشوي على

صينيه مندى وفي فمي حبه طماطه ما تطفي نار الانتقام بقلبها. يومن شفت الستويشن كذا قلت ما

يبيلها تفكير . رحت وفصلت التلفونات وقفلت الجوالات وفتحت التلفزيوون وقعدت اقلب بها القنوات

لين متى ما يفرجها الله.

انتهى


الاستنتاج:

والله يالربع مو قت استنتاج انتم شايفين وضعي محاصر براً ( شلاش الأبكم ) وجوا (اي شي بسطوحنا)
بس الرسول صلى الله عليه وسلم وصى بسابع جاااار.
والجار له حق وواجب مو مثل جيران ها الوقت البيت بجنب البيت وما يعرف وش اسم جارة.
فالله الله بالجيران ياجماعه
حتى لو جيرانكم عيالهم اذيه ويربون بسوس تحملوا ولا تدعسون بسوسهم
والغش مهوب زين يعني الواحد اذا نقل موضوع يقول انه نقاله << زيي يعني انا هههههههههه الموضوع منقول وحبيت اطرحه هنياا من باب الضحك والوناسه واتمنى اي شي راعية الالماني والله لو ادرري انه به زعل ما بنزله
تحياتي للجميع اخوكم

شرشووف


# سلالالالام #

قسم بالله انكم باردين


باي

ههههههههههههههههههههههههههههه
تسلم عالقصه الخراااااافيه بس والله رووووووعه

اي شي

رمز الغلا

كل الشكر والتقدير على مروركم
ولايكون تعبتوا نفسكم بس بالجيه والرد

وانتي يا ام الهكي يا اي شي

شغلتس عندي بعدين

تشكورات