ترى الماشاف حســـنك مبتدء معروب

ويقع من شاف حسنــــك في خبر كانه

يلعــــــينك جزيرة وبيـــها بس غابات

ورمـــــــوشك علـــــــيها جنود سفانه

من طحنه بمــــــحبتك ماأغوانه إبليس

ولا شيطان وزنه وحســـــــنك أغوانه

سگيت اعيــــــوني منك يلجمالك ماي

وكلما أروي عيني تصـــــيح عطشانه

بيك الدنيا تحــــــــله وما نريد الموت

وبدونك لا أبد ماتســــــــــــوى دنيانه

شگد شفـنه سهر لمــــــن زعلنه وياك

غشـــــــمه وحيل بــــينه ومـوت لفانه

شلون إنـريد غيرك يــــــــــــل إذا مريت

نتـيـــــه ومانعــــــرف اشجانه ماجانه

مــن گــد غيرتي وحبي وحناني عليك

أغـــار اعليـــــك صدگ حتى مني آنه

إذا أخرس يشـــوفك من امـــامه تفوت

تنـــــــفك بجمالــــــك عقـــدة الســـانه

وإذا أعمــــى ويحس إجدامك تــمر بيه

يــــــــــشوف الدنيــــا منك بشر مليانه

وإذا جيــــت لبشـــــــــــر ما آمنو بلله

كل واحـــــد توضــــــــــه وشال قرأنه

صعـــــبه الدنيـــا تخلق مثلك إيگولون

وأكـــــيد الخلق حـــــــسنك الله سبحانه

على شفافـــــك شفت نحله وبديها سلاح

مخـــــــبوصه بصـــــدگ تطرد بذبانه

يللـــــــــــونك ثلـــــج بس داخلك تنور

آنه وگلبـــــــي منـــــك زاد بلـــــــوانه

آنه وگلــــبي بمــــرك والتريده إيصير

بــــــس انكون يمـــــك هذا مــــــسعانه

رادك گلبـــــي يمه حتى يبــــقى ايعيش

وحطك وســـــط دمه ونبـــــض شريانه

ولون حبـــــــي الك يـــــــــنذاع بالتلفاز

لذيعـــــــنه على شاشـــــات روتـــــــانه

يا أقـــــوى سحـــــر بيك وعميت الناس

إذا الذابـــــح أبـــــــنها ويـــــاك فرحانه

عـــــندي وياك خطــه انحمي بيها الگاع

ونحــــرر وطنــــــــه ونطـــــرد الجانه

على اعدانه تمــــشـى وطب معاهم فوت

والبــــــــس ثوب احمــــر وچفل أردانه

ومن تلــــعب بشــــعرك رايح إيدوخون

ونجــــي احنه بتــــــواثي ونكتل اعدانه

صح لسانك
مشكوره لاعدمنا جديدك

][®][^][®][عراقبه وافتخر][®][^][®][


بكل قطرات ندى الورود وبكل لون للزهور أبعث لك

شكري وإمتناني

لما سطرته أناملك المشرقه في صفحات المنتدى بعبير مسكها الطيب

ما أجمل ما رأينا وسمعنا من صوتٌ لحروفك المتناثره في بساتيننا المزهره

هنيئاُ لنا بهذه الأحاسيس الدافئه والقلوب النائمة على أروع حروف ٍ أتتنا مهلله ...

لك زهور المنتدى تسقيها معاني ابداعك الراقي سنين عمرك الغالي ...



وبكل الشوق والمحبة سننتظر قدوم جديدك الذي سيفرح حروفنا ويبهج الطرف بما سنرى من

ألوانك التي تحمل معها المعاني الجميله....

ودي ووردي لكي

][®][^][®][شذى الكون][®][^][®][

مشكووووووووورهـ يالغلا
قصيده جيدهـ
لا عدمنا جديدكـ
تقبلي مرووووريـ

اسير الدمع
شكرا لك ولمرورك الرائع
نورت الصفحه